منتدى حوار ابناء قرية كفر بلضم. الإبراهيمية
 
الرئيسيةمكتبة الصورس .و .جبحـثالتسجيلدخول
المواضيع الأخيرة
» انترنت داونلود مانجر.اسرع برنامج لتحميل الملفات
24/5/2013, 22:04 من طرف Abu uday

» وفتحنا المزاد قصيده بقلم محمدمعتمد
30/11/2012, 14:12 من طرف حسام حامد

» الأستاذ/ محمد اسماعيل ابراهيم
13/8/2012, 23:26 من طرف mosadabeed

» وحشتوووووووووووووووووووووووووووووونى
8/8/2012, 09:59 من طرف Admin

» جزارة اولاد الشاعر
8/1/2012, 12:42 من طرف امير الحب

» ومازال أمير الحب يكتب
1/12/2011, 17:13 من طرف drpid

» مش عرفه اكتب
31/8/2010, 21:36 من طرف lolo

» هنا حل مشكلة دخول المنتدى الجديد
26/7/2010, 14:26 من طرف Admin

» حاجه غريبه
24/7/2010, 14:35 من طرف Admin

» قواعد السعادة السبع
23/7/2010, 14:21 من طرف مش مهم الاسم

» ماهى معلوماتك ؟
23/7/2010, 13:59 من طرف طوني

» ستي اطاطا
23/7/2010, 13:38 من طرف طوني

» مشاكل كفربلضم
23/7/2010, 13:21 من طرف lolo

» هذا هو نبينا صلى الله عليه وسلم
23/7/2010, 12:32 من طرف على محمد على الدين

» مفاهيم خاطئة حول صلاة الإستخارة
23/7/2010, 12:17 من طرف على محمد على الدين

» السبب الرئيسى لمرض السرطان
23/7/2010, 11:55 من طرف على محمد على الدين

» خمسة فرفشة
23/7/2010, 11:38 من طرف هدى

» الحب
23/7/2010, 11:25 من طرف هدى

» ايهما تفضل ؟
23/7/2010, 06:44 من طرف طوني

أفضل 10 أعضاء في هذا المنتدى
مش مهم الاسم
 
Admin
 
حسام حامد
 
على محمد على الدين
 
lolo
 
سمير عبد العظيم
 
abu_hazem
 
ابوفيصل
 
محمدمعتمد
 
محمود النجار
 
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 127 بتاريخ 14/3/2011, 22:47
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط منتدى حوار ابناء قرية كفر بلضم. الإبراهيمية على موقع حفض الصفحات

شاطر | 
 

 بلضم جاي؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
العمــدة
العمــدة
avatar

ذكر عدد الرسائل : 555
العمر : 35
الشعبية : 7
نقاط : 4128
تاريخ التسجيل : 21/05/2007

مُساهمةموضوع: بلضم جاي؟؟   3/6/2008, 11:29


فوجئنا جميعا بارتفاع اسعار السولار. وارتفاع اسعار كل شيء بشكل عام.

بالنسبة ليا على الاقل, ماحستش بالارتفاع الفادح للاسعار الا لما أجرة ركوب

المواصلات رفعت. لانها زادت الضعف دفعة واحدة بدون مقدمات.

كنت لما اركب مواصله على استعداد ادفع لخمسة ركاب من اصحابي "بجنيه وربع"

وماحسش ان جيبي بقى فاضي. لكن دلوقتي علشان ادفع لخمسة افراد

هادفع"2 جنيه ونص".هافلس في يومين.وكلنا طبعا عارفين الحالة المادية شكلها ايه.

يعني خراب بيوت.

مع ان اجرة سجين وابشواي هيا نص جنيه, أجرة كفر بلضم برضه نص جنيه.

طبعا الفرق في المسافة بين قطور وسجين معروف, وبين قطور وكفر بلضم معروف.

يا إما أهل سجين وابشواي هما اللي شاطرين وعرفوا يحافظو على الاجرة بسعر

مناسب. أو اما أهل كفر بلضم هما اللي اغنياء ومايهمهُمْش اي مبلغ يدفعوه.

وياريت حتى بنركب ركوبة محترمه, للاسف بنركب في المكان اللي الحكومة منعت

الركوب فيه الا لامؤاخذة للمواشي. يعني الواحد يركب ورا في الشمس او الشتا أو

التراب او الهباب ,والصحة اصلا عند الناس كلها مش ناقصة, دا غير بهدلة الحريم.

أنا ماشفتش زي كده قلة قيمة. عربيات سجين وابشواي رغم المسافة ورغم ان

الاجرة زينِّا بالظبط, تلاقيها عربيات محترمة ومتغطية. بمعنى اصح:

سواقين محترمين وأهل بلد بيحترمو نفسهم واّدميتهم.

كتير جدا من اهل البلد بيروحوا يركبو عربيات ابشواي وسجين المتغطية مباشرة

بدون حتى والله ما يبصوا على موقف كفر بلضم.

ماهو الواحد ازاي يبقى قدامة حاجة محترمة وتوصل لحد اخر البلد "يعني هاينزل في

المكان اللي يحبه" وبنفس السعر, ويسيبها ويروح يتشعبط ورا.

يا سلام بقى لو سبت عربية بتحمل من عربيات البلد.وسألت: مين اللي طالع بعده؟

علشان بتحترم نفسك وعايز تركب في الكبينة. تحس انك بتسأل على سر حربي.

تلاقي كله يقولك: ماعرفش. وسواق العربية اللي بعدها يغمزلك ويقولك: استنى بس

لما اللي قدامي يحمل شوية.

وناس تقول عليك: حاطط مناخيرك في السما ليه؟
الله يرحم سيدك, كان بياخدها مشي وحافي.

حتى العربيتين اللي فعلا غطوا الصندوق في الشتا. دلوقتي شالو الغطا,
طبعا السبب معروف: عايز العربية تاخد ركاب اكتر.

وده كله لان الناس بتركب بدون اي اعتراض. لانه امر واقع. غصب عني وغصب عن اي

حد بنركب ورا وفوق وعلى الباب وعلى جوانب العربية.

نفضل بقى نقول: بالراحة ياسطى, الهوا يا ريس, المطبات يابني, ماتخش البلد

والنبي, متطلع قدام شوية ربنا يخليك,
ده غير ان كل واحد مستني التاني ينزل قبله علشان مايحاسبلوش.

طبعا انا مش باطالب ان الأجرة ترخص لان اللي بيغلى عمرة مابيرخص تاني.

انا بس عايز العربيات تبقى على مستوى البشر مش مستوى مخلوقات ادنى.

ياريت كل سواق يغطي عربيته.

وياريت كل واحد يقرا موضوعي ده. طالما الحالة مستمرة على نفس المنوال.

يركب عربات ابشواي وسجين. وهما بتوع بلدنا من نفسهم هايحسو

بالسبب
اللي بيخلي الناس بتركب عربيات البلاد التانية "

غير ان الناس طالعين فيها ومتكبرين. فيه سبب تاني: انهم مخنوقين من طريقة

الركوب المتعبة والتراب والحر والهوا والهباب وقلة القيمة
".


.
الرجوع الى أعلى الصفحة اذهب الى الأسفل
http://kafrbaldam.googlepages.com
abo2764712
إبن بلد جديد
avatar

ذكر عدد الرسائل : 8
الشعبية : 0
نقاط : 3677
تاريخ التسجيل : 03/11/2007

مُساهمةموضوع: رد: بلضم جاي؟؟   3/6/2008, 17:42

والله يا مدير انت مدير فعلا كلامك فى الصميم احنا فعلا ما ينفعش فينا غير كدة شوف سجين عملت اضراب لما غلو الاجرة بتوع المجلس جابو عربيات سملا ودماط تشتعل على الخط غصب عنهوم الاجرة رجعت تصف جنيه تانى اما نحن البقاء لله
الرجوع الى أعلى الصفحة اذهب الى الأسفل
زكريا محمود النحار
عضو بيحب بلدنا


ذكر عدد الرسائل : 26
الشعبية : 0
نقاط : 3497
تاريخ التسجيل : 28/04/2008

مُساهمةموضوع: رد: بلضم جاي؟؟   3/6/2008, 19:31

طيب انتو بتتكلمو فى موضوع ارتفاع الأجره طيب ما الجاز سعره ارتفه هو كمان يعنى السواقين يعملو ايه مع انى معترض على طريقة الركوب فى السيارات المكشوفه وأكيد بركب سيارات تانيه انا معك فى هذا الرأى طيب ليه احنا مانوجهش هذا الكلام للمسؤلين ولا احنا مابنطشطرش الا على بعض ؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
زكريا محمود النحار
عضو بيحب بلدنا


ذكر عدد الرسائل : 26
الشعبية : 0
نقاط : 3497
تاريخ التسجيل : 28/04/2008

مُساهمةموضوع: رد: بلضم جاي؟؟   3/6/2008, 19:35

طيب انتو بتتكلمو فى موضوع ارتفاع الأجره طيب ما الجاز سعره ارتفع هو كمان يعنى السواقين يعملو ايه مع العلم انى مش سواق مع انى معترض على طريقة الركوب فى السيارات المكشوفه وأكيد بركب سيارات تانيه انا معك فى هذا الرأى طيب ليه احنا مانوجهش هذا الكلام للمسؤلين ولا احنا مابنطشطرش الا على بعض ؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
Admin
العمــدة
العمــدة
avatar

ذكر عدد الرسائل : 555
العمر : 35
الشعبية : 7
نقاط : 4128
تاريخ التسجيل : 21/05/2007

مُساهمةموضوع: رد: بلضم جاي؟؟   3/6/2008, 19:36

الكود:
" طبعا انا مش باطالب ان الأجرة ترخص لان اللي بيغلى عمرة مابيرخص تاني.

انا بس عايز العربيات تبقى على مستوى البشر مش مستوى مخلوقات ادنى. "

موضوع ارتفاع الأجرة مش مشكلة لأنه بقى أمر واقع. المشكلة عندي بصفة خاصة في طريقة اركوب نفسها. وواضح طبعا يا أستاذ محمود انك متفق معايا في الموضوع ده
الرجوع الى أعلى الصفحة اذهب الى الأسفل
http://kafrbaldam.googlepages.com
Mr S@ber
عضو بيحب بلدنا
avatar

ذكر عدد الرسائل : 24
العمر : 35
الشعبية : 0
نقاط : 3658
تاريخ التسجيل : 19/11/2007

مُساهمةموضوع: رد: بلضم جاي؟؟   3/6/2008, 23:29

انا شخصيا اعتقد ان موضوع ذيادة الاجرة دة موضوع عرض وطلب
فالسواق من حقة يغلى الاجرة ولو عاجبك تركب معاة اهلا وسهلا ولو مشعاجبك خلاص انت حر مشهايضربك على ايدك
والراكب كمان حر انا لو مشعاجبنى مشهاركب
بس بعد اذنكم الانسان العاقل يحسبها ازاى (( اجرة البلد هى نفسها اجرة سجين وابشواى))
صحيح ان الاجرة واحدة لكن من جهة الخدمة واقصد بها طبعا كيفية الركوب وعدد الركاب
فاظن ان عربيات ابشواى طبعا تكسب وعلية فانا طبعا انحزت لعربيات ابشواى .............ولا ايــــــــــــــة؟؟؟
الرجوع الى أعلى الصفحة اذهب الى الأسفل
زكريا محمود النحار
عضو بيحب بلدنا


ذكر عدد الرسائل : 26
الشعبية : 0
نقاط : 3497
تاريخ التسجيل : 28/04/2008

مُساهمةموضوع: رد: بلضم جاي؟؟   6/6/2008, 09:02

كلنا مع اللى يراعى ادميتنا وانا اسف للاخ مدير المنتدي ان كان هناك من يكتب باسمى لانه للاسف جهازى مفتوح على طول وممكن اي احد يدخل يكتب عليه
وانا مع الاخ صابر لا اركب الا عربيات ابشواي
الرجوع الى أعلى الصفحة اذهب الى الأسفل
زكريا محمود النحار
عضو بيحب بلدنا


ذكر عدد الرسائل : 26
الشعبية : 0
نقاط : 3497
تاريخ التسجيل : 28/04/2008

مُساهمةموضوع: رد: بلضم جاي؟؟   6/6/2008, 09:09

كلنا مع اللى يراعى ادميتنا وانا اسف للاخ مدير المنتدي ان كان هناك من يكتب باسمى لانه للاسف جهازى مفتوح على طول وممكن اي احد يدخل يكتب عليه
وانا مع الاخ صابر لا اركب الا عربيات ابشواي
الرجوع الى أعلى الصفحة اذهب الى الأسفل
زكريا محمود النحار
عضو بيحب بلدنا


ذكر عدد الرسائل : 26
الشعبية : 0
نقاط : 3497
تاريخ التسجيل : 28/04/2008

مُساهمةموضوع: رد: بلضم جاي؟؟   6/6/2008, 09:09

كلنا مع اللى يراعى ادميتنا وانا اسف للاخ مدير المنتدي ان كان هناك من يكتب باسمى لانه للاسف جهازى مفتوح على طول وممكن اي احد يدخل يكتب عليه
وانا مع الاخ صابر لا اركب الا عربيات ابشواي
الرجوع الى أعلى الصفحة اذهب الى الأسفل
ابوفيصل
نائب شيخ بلد
avatar

ذكر عدد الرسائل : 84
العمر : 38
الشعبية : 0
نقاط : 3478
تاريخ التسجيل : 17/05/2008

مُساهمةموضوع: رد: بلضم جاي؟؟   7/6/2008, 12:17

احنا فراعنة ما نمشى الى بضرب الراحة مش لينا لناس تانية مش من كفر بلضم
الرجوع الى أعلى الصفحة اذهب الى الأسفل
ابوفيصل
نائب شيخ بلد
avatar

ذكر عدد الرسائل : 84
العمر : 38
الشعبية : 0
نقاط : 3478
تاريخ التسجيل : 17/05/2008

مُساهمةموضوع: رد: بلضم جاي؟؟   7/6/2008, 12:19

الله اكبر والعزة لله وحدة
الرجوع الى أعلى الصفحة اذهب الى الأسفل
محمود النجار
العمــدة
العمــدة
avatar

ذكر عدد الرسائل : 75
العمر : 32
الشعبية : 0
نقاط : 3542
تاريخ التسجيل : 14/03/2008

مُساهمةموضوع: رد: بلضم جاي؟؟   7/6/2008, 12:35

انا كمان معاك يامدير والموضوع ده مهم فعلا ومن رايي ان السبب احنا اللي بيطلع الصبح متاخر شوية وعايز يلحق شغله و لو استنى عربيات ابشواي مش بتيجي غير كامله مينفعش يركب ولو تلاحظ السواقيين بيستغلو الحته دي بس وانا معاك في اي فكرة جديدة ونعم لعربيات ابشواي بس
الرجوع الى أعلى الصفحة اذهب الى الأسفل
ابوفيصل
نائب شيخ بلد
avatar

ذكر عدد الرسائل : 84
العمر : 38
الشعبية : 0
نقاط : 3478
تاريخ التسجيل : 17/05/2008

مُساهمةموضوع: رد: بلضم جاي؟؟   8/6/2008, 22:23

ابشواى طنطا اى حاجة امهم نوصل
الرجوع الى أعلى الصفحة اذهب الى الأسفل
MENAA
ابن بلد مشارك
avatar

انثى عدد الرسائل : 16
الشعبية : 0
نقاط : 3477
تاريخ التسجيل : 18/05/2008

مُساهمةموضوع: رد: بلضم جاي؟؟   21/6/2008, 14:11

نعم لعربات ابشواى وسجين ولا لعربات كفر بلضم
بس لو ركبنا فى الكبينة فنعم لعربيات كفر بلضم
الرجوع الى أعلى الصفحة اذهب الى الأسفل
عبد الله
عضو بيحب بلدنا
avatar

ذكر عدد الرسائل : 29
العمر : 34
الشعبية : 1
نقاط : 3474
تاريخ التسجيل : 03/06/2008

مُساهمةموضوع: رد: بلضم جاي؟؟   22/6/2008, 08:15

المهم فى الموضوع العربيات ام السواقين اعتقد ان المشكلة تكمن فى السواقين وتعاملاتهم حتى عندما زادت الاجرة الى الضعف رغم انها كما حددت الوزارة ب35 قرش مش بنص جنيه ....بتقولوا ايه ياعنى هنا تكمن المشكلة بحد زاتها هى كلمة ايه يعنى وهى تفرق ؟!
الرجوع الى أعلى الصفحة اذهب الى الأسفل
حسام حامد
شيخ بلد
avatar

ذكر عدد الرسائل : 495
الشعبية : 4
نقاط : 4086
تاريخ التسجيل : 22/08/2007

مُساهمةموضوع: رد: بلضم جاي؟؟   22/6/2008, 08:21

العربيات فى زاتها مشكلة ولو كان الامر يقتصر على الاجرة لهانت ان المشكلة تكمن فى الانتظار انا حتى الان وبعد ان ارتفعت للضعف لا ازال انتظر على الاقل ربع ساعة لحد ما حضرته يحمل و تخيلوا كم المعاناة عندما تنتظر كل هذا لا اعلم حقا لم كل هذا الانتظار اهو لكسب مال اكثر ام مجرد عادة لا نستطيع الاستغناء عنها ؟ والله انهم لا يريدون ان يصنعوا كبينة لا لانهم بخلوا على انفسهم والجاى على قد اللى رايح ولكن لانهم ان فعلوا ذلك سيقل عدد الركاب بدل ما كانوا بتحشروا ويركبوا فوق بعضهم الان سيكون العدد على اقصى تقدير عشرة ويكون زاحم جدا وبهذا لن تصنع الكابينة ابدا بهذا التفكير
الرجوع الى أعلى الصفحة اذهب الى الأسفل
http://qatrat.ahlamontada.net/category-c4/
asd_asd205662003
إبن بلد جديد


ذكر عدد الرسائل : 5
الشعبية : 0
نقاط : 3473
تاريخ التسجيل : 22/05/2008

مُساهمةموضوع: رد: بلضم جاي؟؟   4/8/2008, 20:55

اوك
الرجوع الى أعلى الصفحة اذهب الى الأسفل
محمد السيد محمود صقر
إبن بلد جديد
avatar

ذكر عدد الرسائل : 9
الشعبية : 0
نقاط : 3186
تاريخ التسجيل : 16/03/2009

مُساهمةموضوع: رد: بلضم جاي؟؟   22/3/2009, 06:55

السلام عليكم ورحمة الله وبركاته هذا المضوع يجب ان يتخذ له قرار في اسرع وقت واضم صوتي الي صوت حماده الشوربجي المساواة في الظلم عدل مش معقول سجين تبقي بنصف جنيه وكفر بلضم ب نصف جنيهليه هو لما بيمشي في كفر بلضم البنزين بتاعه بيخلص يا جماعة الموضوع ده مسؤال عنه عمدة الكفر مش الناس مش معقول الناس هاتقول للسواق رخص الاجرة هاتريرخصها يا اما الحل التاني الاضراب وشكرا مع كامل تمنياتي النجاح والتوفيق لكل افراد البلد وشكرا يا حماده علي هذا الموضوع الهادف
الرجوع الى أعلى الصفحة اذهب الى الأسفل
Admin
العمــدة
العمــدة
avatar

ذكر عدد الرسائل : 555
العمر : 35
الشعبية : 7
نقاط : 4128
تاريخ التسجيل : 21/05/2007

مُساهمةموضوع: رد: بلضم جاي؟؟   23/3/2009, 15:29

الحمد لله تقريبا جميع سيارات نقل الركاب الخاصة بقريتنا تم تغطيتها .
السبب في كده ان ركاب بلدنا
كانو بيروحو يركبو عربيات ابشواي في الوقت اللي عربيات بلدنا كانت بتفضل واقفة وقت طويل علشان العربية تحمل نقلة ركاب واحدة.
علشان كده اضطرو يغطو العربية. علشان الركاب ما يكونش عندهم حجة ويروحو يركبو عربيات ابشواي.
وطبعا الحمد لله بقينا بنركب معاهم. هو عموما مش بمزاجنا لانهم بيندهو علينا نركب.
وكمان فيه منهم اللي بيقول لو عايز تطلع لاخر البلد هاوديك اخر البلد. بصراحة الناس ظبّطو شغلهم في حاجات كتير.
دلوقتي الواحد بيدفع النص جنيه وهو مش زعلان لانه ركب بطريقة نوعا ما كويسة.

عموما نتمنى ان ربنا يوفق الجميع ويرزق سواقين بلدنا المال الوفير

الرجوع الى أعلى الصفحة اذهب الى الأسفل
http://kafrbaldam.googlepages.com
 
بلضم جاي؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حوار ابناء قرية كفر بلضم. الإبراهيمية :: منتدى القرية :: المشاكل الخاصة بالقرية-
انتقل الى: